तुम्हाला स्वतःची वेबसाइट किंवा ब्लॉग तयार करायची इच्छा आहे का? पण तांत्रिक गोष्टी माहित नसल्यामुळे घाबरवतंय का? काळजी करू नका. आजच्या काळात वेबसाइट तयार करणं खूप सोपं झालं आहे आणि त्यासाठी WordPress हे एक लोकप्रिय साधन आहे.
WordPress वापरून तुम्ही काही मिनिटांत तुमची वेबसाइट तयार करू शकता. जगभरात लाखो लोक ब्लॉग, व्यवसाय साइट, ऑनलाइन शॉप यासाठी WordPress वापरतात. चला तर मग, WordPress म्हणजे काय आणि ते कसं वापरायचं हे समजून घेऊया.
WordPress म्हणजे काय?
WordPress हे एक फ्री सॉफ्टवेअर आहे जे तुमचं वेबसाइट तयार करण्याचं काम खूप सोपं करतं. याला content management system (CMS) म्हणतात, कारण यातून तुम्ही तुमचं संपूर्ण कंटेंट – मजकूर, फोटो, पेजेस – सहज हाताळू शकता.
WordPress वापरून तुम्ही ब्लॉग, व्यवसाय साइट, पोर्टफोलिओ, किंवा ऑनलाइन दुकानसुद्धा तयार करू शकता. यामध्ये एक डॅशबोर्ड असतो जिथून तुम्ही सर्व काही – पोस्ट, थीम, फोटो, प्लगिन – सहजपणे चालवू शकता.
WordPress.com आणि WordPress.org मध्ये फरक
WordPress.com ही एक सेवा आहे जिथे तुम्ही तुमची वेबसाइट थेट तयार करू शकता आणि होस्टिंगची गरज नसते. यात Google Drive सारखं ऑनलाइन सगळं तयार होतं. कंपनी सर्व अपडेट्स, सुरक्षा आणि बॅकअप्स सांभाळते. फ्री प्लॅन आहे, पण मर्यादा आहेत. सगळे plugins किंवा themes वापरता येत नाहीत.
WordPress.org ही एक open-source आवृत्ती आहे जी तुम्ही डाउनलोड करून स्वतःच्या होस्टिंगवर इंस्टॉल करता. यामध्ये पूर्ण कंट्रोल तुमच्याकडे असतो. हवं ते plugin किंवा theme वापरता येतं. यासाठी डोमेन आणि होस्टिंग घ्यावं लागतं, पण स्वातंत्र्य जास्त असतं.
| वैशिष्ट्य | WordPress.com | WordPress.org |
|---|---|---|
| होस्टिंग | मिळून येतं | स्वतंत्रपणे घ्यावं लागतं |
| खर्च | फ्री प्लॅन (पेड अपग्रेड) | सॉफ्टवेअर फ्री, पण होस्टिंग खर्चिक |
| plugins | मर्यादित | सगळे वापरता येतात |
| custom themes | फक्त पेड प्लॅनमध्ये | कोणताही theme वापरता येतो |
| कंट्रोल | मर्यादित | पूर्ण कंट्रोल |
| सुरुवातीस योग्य | अगदी सोपं | थोडं शिकावं लागतं |
WordPress का वापरावा?
WordPress हे सुरुवात करणाऱ्यांसाठी एक उत्तम पर्याय आहे. हे फ्री असून सोपं आहे, त्यामुळे कोणताही व्यक्ती सहजपणे याचा वापर करू शकतो. खाली काही कारणं दिली आहेत की WordPress का वापरावा.
- WordPress वापरणं पूर्णपणे मोफत आहे.
- यासाठी कोणतंही कोडिंग शिकावं लागत नाही.
- कोणताही प्रकारचा वेबसाइट तयार करता येतो.
- हजारो फ्री themes आणि plugins मिळतात.
- मोबाईलवर सुद्धा वेबसाइट व्यवस्थित दिसते.
- जगभरात मोठ्या वेबसाइट्स WordPress वापरतात.
- डॅशबोर्ड वापरणं खूप सोपं आणि स्पष्ट आहे.
WordPress चे फीचर्स
WordPress मध्ये अनेक उपयोगी फीचर्स आहेत जे वेबसाइट चालवणं सोपं करतात. हे फीचर्स वापरून तुम्ही साइट अधिक आकर्षक आणि उपयोगी बनवू शकता.
- हजारो थीम्समध्ये तुमच्या साईटसाठी योग्य डिझाईन निवडता येते.
- plugins च्या साहाय्याने Contact Form, Gallery अशा सुविधा सहज वाढवता येतात.
- Editor वापरणं Microsoft Word सारखं सोपं आहे.
- मोबाईलवर वेबसाइट नीट आणि जलद दिसते.
- SEO साठी उपयोगी टूल्स मिळतात जे Google मध्ये रँकिंगसाठी मदत करतात.
- मेनू, पेजेस, विजेट्स सहज तयार करता येतात.
- विविध भाषांमध्ये वापरता येतो आणि मराठीतही चालतो.
हे फीचर्स वापरून तुम्ही केवळ ब्लॉगच नव्हे, तर व्यवसाय साइट, पोर्टफोलिओ, न्यूज पोर्टल, ऑनलाइन दुकान, शाळेची साईट अशा अनेक गोष्टी तयार करू शकता.
WordPress वापरण्याची सुरुवात कशी करावी?
WordPress वापरणं अगदी सोपं आहे, पण काही स्टेप्स समजून घेतल्यास सुरुवात आणखी सोपी होते. खाली एक एक स्टेप दिलेली आहे, जी फॉलो करून तुम्ही तुमची वेबसाइट तयार करू शकता.
- डोमेन आणि होस्टिंग खरेदी करा
डोमेन म्हणजे तुमच्या वेबसाइटचं नाव (उदा. tumchenaav.com). होस्टिंग म्हणजे तुमच्या साईटची फाईल्स साठवण्याची जागा. Hostinger हे दोन्ही एकत्र देत. - WordPress इंस्टॉल करा
अनेक होस्टिंग कंपन्या एक-क्लिक WordPress install देतात. यासाठी फक्त एक बटण क्लिक केल्यावर WordPress तयार होतं. - डॅशबोर्डमध्ये लॉगिन करा
तुमचं sample.com/wp-admin या लिंकवर जाऊन लॉगिन करा. इथे तुमचं WordPress dashboard दिसेल. - थीम निवडा
“Appearance > Themes” मध्ये जाऊन तुम्ही फ्री थीम्समधून एक निवडा. हवं असल्यास नवीन theme upload सुद्धा करू शकता. - plugins इंस्टॉल करा
“Plugins > Add New” मध्ये जाऊन हवे असलेले plugins शोधा. Contact form, SEO, Security यासाठी plugins उपयुक्त असतात. - पेजेस आणि पोस्ट तयार करा
“Pages” मध्ये About, Contact पेज तयार करा. “Posts” मध्ये ब्लॉग लेख लिहा. Editor वापरणं खूप सोपं आहे. - सेटिंग्ज आणि कस्टमायझेशन करा
Settings आणि Appearance > Customize मध्ये जाऊन साईटचं नाव, लोगो, मेनू आणि homepage सेट करा.
तुम्हाला ब्लॉगिंग सुरु करायची असेल तर खालील पोस्ट वाचा. यात मी पूर्ण माहिती दिली आहे.
Read: How To Start a Blog in Marathi (ब्लॉग कसे बनवायचे)
WordPress चे फायदे आणि तोटे
WordPress वापरणं सोपं आणि फायदेशीर आहे, पण काही गोष्टी लक्षात ठेवाव्या लागतात. खाली त्याचे फायदे आणि काही मर्यादा दिल्या आहेत.
फायदे:
- नवशिक्यांसाठी वापरणं खूप सोपं आहे.
- पूर्णपणे मोफत आणि ओपन-सोर्स आहे.
- साईटवर पूर्ण कंट्रोल मिळतो.
- हजारो plugins आणि themes वापरता येतात.
- मोठा community सपोर्ट आणि मार्गदर्शक लेख उपलब्ध.
तोटे:
- अपडेट्स आणि बॅकअप स्वतः करावे लागतात.
- सुरक्षिततेची काळजी घ्यावी लागते.
- काही फीचर्ससाठी plugins लागतात.
- खूप पर्याय असल्यामुळे सुरुवातीला गोंधळ होऊ शकतो.
- वेबसाइटची गती होस्टिंगवर अवलंबून असते.
निष्कर्ष
WordPress हे सुरुवात करणाऱ्यांसाठी आणि तांत्रिक ज्ञान नसणाऱ्यांसाठी उत्तम साधन आहे. त्याचा वापर करून कोणताही व्यक्ती स्वतःची वेबसाइट तयार करू शकतो. ही वेबसाइट व्यावसायिक, आकर्षक आणि वापरण्यास सोपी असते.
जर तुम्हाला स्वतःची ओळख इंटरनेटवर तयार करायची असेल, तर WordPress तुमच्यासाठी योग्य आहे. याची सविस्तर माहिती आणि सरावाने तुम्ही खूप कमी खर्चात एक चांगली वेबसाइट उभी करू शकता.
