तुमच्याकडे स्वतःची वेबसाइट किंवा ब्लॉग आहे का? आणि तुम्हाला त्यातून काही पैसे कमवायचे आहेत का? जर हो, तर Google AdSense हा एक चांगला आणि सोपा पर्याय आहे ब्लॉगिंग नी पैसे कमवायच. या पोस्टमध्ये आपण Google AdSense म्हणजे नेमकं काय, ते कसं काम करतं आणि त्यातून पैसे कसे कमवता येतात हे सोप्या भाषेत समजून घेणार आहोत.
खूप लोक आपली माहिती इंटरनेटवर शेअर करतात, पण सगळ्यांनाच त्यातून कमाई करता येत नाही. कारण त्यांना योग्य पद्धत माहीत नसते. Google AdSense हे त्यासाठी खास तयार केलेलं एक साधन आहे. चला तर मग, AdSense बद्दल सविस्तर माहिती घेऊया.
Google AdSense म्हणजे काय?
Google AdSense हे Google कंपनीने तयार केलेलं एक जाहिरात प्रोग्राम आहे. यामध्ये तुम्ही तुमच्या वेबसाइटवर जाहिराती दाखवू शकता आणि त्यातून पैसे कमवू शकता. या जाहिराती कंपन्या तयार करतात आणि Google त्या तुमच्या साइटवर दाखवतो. कोणी तरी त्या जाहिरातींवर क्लिक केलं किंवा पाहिलं, तर तुम्हाला पैसे मिळतात.
AdSense वापरणं सोपं आहे. तुम्हाला जाहिरातदार शोधावे लागत नाहीत. Google हे सर्व काम आपोआप करतो. तुम्हाला फक्त चांगली माहिती लिहायची आणि काही नियम पाळायचे असतात.
Google AdSense कसं काम करतं?
AdSense साठी अर्ज करून मंजुरी मिळाल्यावर Google तुम्हाला एक छोटा कोड देतो. तो कोड तुम्ही तुमच्या वेबसाइटमध्ये लावता. नंतर Google तुमच्या लेखाशी संबंधित जाहिराती दाखवायला सुरुवात करतो. उदाहरणार्थ, जर तुम्ही प्रवासाबद्दल लिहिलं असेल, तर हॉटेल किंवा विमान प्रवासाच्या जाहिराती येऊ शकतात.
पैसे दोन प्रकारे मिळतात. एक म्हणजे जाहिरातीवर कोणी क्लिक केलं तर (CPC ad), आणि दुसरं म्हणजे काही जाहिराती फक्त पाहिल्यामुळे (CPM ad) पैसे मिळतात. जितके लोक तुमच्या साइटवर येतात, तितकी कमाई होण्याची शक्यता जास्त असते.
AdSense मधील जाहिरातींचे प्रकार
Google AdSense मध्ये विविध प्रकारच्या जाहिराती उपलब्ध असतात. या जाहिराती वेगवेगळ्या पद्धतीने वेबसाइटवर दाखवल्या जातात आणि त्याचा कमाईवरही परिणाम होतो. खाली काही महत्त्वाचे जाहिरातींचे प्रकार दिले आहेत.
1. डिस्प्ले जाहिराती (Display Ads)
या जाहिराती प्रतिमांच्या स्वरूपात असतात. त्या लेखाच्या वर, खाली किंवा बाजूला दिसतात. या जाहिराती वेगवेगळ्या आकारात असतात आणि लक्ष वेधून घेतात.
2. टेक्स्ट जाहिराती (Text Ads)
या जाहिराती फक्त शब्द आणि लिंकच्या स्वरूपात असतात. त्या छोट्या ओळींमध्ये दिल्या जातात आणि लेखाशी संबंधित असतात.
3. ऑटो जाहिराती (Auto Ads)
ऑटो जाहिराती म्हणजे Google तुमच्या साईटवर आपोआप योग्य जागेवर जाहिराती दाखवतो. यात तुम्हाला काही करायचं नसतं, आणि कमाई वाढू शकते.
Google AdSense साठी आवश्यक गोष्टी
Google AdSense वापरण्यासाठी काही अटी आणि नियम पाळावे लागतात. Google प्रत्येक वेबसाइट नीट तपासतो आणि ठराविक गोष्टी पूर्ण झाल्यावरच मंजुरी देतो. खाली अशा मुख्य अटींची यादी दिली आहे.
- अर्जदाराचे वय किमान १८ वर्ष असावे.
- वेबसाईटवर स्वतःचे आणि उपयुक्त लिखाण असावे.
- कंटेंट Google च्या धोरणांनुसार असावा (प्रौढ, चोरीचा, किंवा बेकायदेशीर कंटेंट नसावा).
- वेबसाईट स्वच्छ आणि वापरण्यास सोपी असावी.
- About, Contact, आणि Privacy Policy या पेजेस असाव्यात.
- साइटवर पुरेसे लिखाण असावं.
- वेबसाईट तुमच्याच ताब्यात असावी.
- वेबसाईट पूर्ण तयार असावी, अपूर्ण किंवा बंद नसावी.
Google AdSense अकाउंट कसे बनवायचे?
AdSense मध्ये नाव नोंदवण्यासाठी Google खाते लागते. तुम्ही AdSense च्या वेबसाइटवर जाऊन साईन अप करता. त्यानंतर तुम्ही तुमची वेबसाइट आणि काही वैयक्तिक माहिती भरता. मग Google एक कोड देतो, जो तुम्ही तुमच्या वेबसाइटमध्ये लावता.
यानंतर Google तुमची साइट तपासतो. याला काही दिवस लागू शकतात. सर्व काही योग्य असेल, तर मंजुरी मिळते आणि जाहिराती सुरू होतात. काही अडचण असेल, तर Google त्याबद्दल ईमेलद्वारे सांगतो.
पैसे कसे मिळतात?
AdSense मध्ये दर महिन्याला पैसे मिळतात, पण त्यासाठी तुमचं शिल्लक $100 डॉलर्स (किंवा स्थानिक चलनात तेवढी रक्कम) झालेलं असावं लागतं. जर एका महिन्यात इतकी रक्कम झाली नाही, तर पुढच्या महिन्यात ती जोडली जाते.
पैसे थेट बँक खात्यात मिळतात. काही देशांमध्ये इतर पद्धतीही वापरता येतात. पैसे मिळण्याची तारीख साधारणतः 21 तारखेपासून 26 तारखेपर्यंत असते. पैसे देण्यापूर्वी Google खातं तपासतो आणि सगळं नियमांप्रमाणे आहे का ते पाहतो.
शेवटचे शब्द
Google AdSense हे ब्लॉग किंवा वेबसाईटवरून पैसे कमावण्याचं एक सोपं आणि विश्वासार्ह साधन आहे. यात तुम्ही काही विकत नाही, फक्त चांगलं कंटेंट तयार करता. Google जाहिराती देतो आणि तुम्हाला त्यातून पैसे मिळतात. जर तुम्ही नियम पाळले आणि सातत्य ठेवलं, तर AdSense चांगला उत्पन्नाचा स्रोत ठरू शकतो.
